 |
РОДНЫЯ ВОБРАЗЫ
|
|
Вобразы мілыя роднага краю,
Смутак і радасьць мая!..
Якуб Колас
|
|
|
|
|
|
|
|
|
|
Іртуць пад 30 зранку.
Расклейваю аб’явы.
Вавёркі і альтанкі,
Фантанаў цёплых млявасць.
Два “крабавых берэты”
Знішчаюць мінералку.
Mediocritas лета,
Mediocritas парку.
І птушкам не да гнёздаў,
І пчолам не да вулляў.
Сіноптыкаў нябёсы
Ізноўку падманулі.
А мне і так няблага…
Расклейваю аб’явы:
“Увага, гэй, увага!
Прадам затанна хмары.
Матэрыял — паветра
З вадой, а колер шэры.
Сюды ж ідуць камплектам
Грамы, маланак стрэлы.
Гарантыя на тыдзень.
Прыходзь, бяры,валодай!”
…Абвесткі дворнік-злыдзень
З драпежнай асалодай
З д з і р а е …
…Паліць сонца.
На кожным твары млявасць.
З упартасцю бясконцай
Расклейваю аб’явы.
|
|
|
|
Падабаецца
Не падабаецца
|
|
|
2009–2020. Беларусь, Менск.
|
|
|
